<!--BEGIN HYPE WIDGET--><script src="http://ajax.googleapis.com/ajax/libs/jquery/1.4.2/jquery.min.js" type="text/javascript"></script><script src="http://lookbook.nu/look/widget/1689607.js?include=all&size=medium&style=button&align=center"></script><div id="hype_container_1689607"></div><!--END HYPE WIDGET-->

babae akong namumuhay nang mag-isa

babae akong namumuhay nang mag-isa,
hiwalay sa asawa,
matandang dalaga,
kerida,
puta.

Ang aking pag-iisa’y batik na itinuring,
latay na pabaon ng nakaraan,
pilat na taglay habambuhay.

May pagsusulit na di ko nakayanan,
may timbangan sumukat sa aking pagkukulang,
May pagsusuring kumilatis
sa pagkatanso ng aking pagkatao.
Lagi’y may paghuhusga saaking pag-iisa.

Ang di nila nakita’y
Akin ang pasya.
Maliit na kalayaang
Hinahamak ng iba pang
Pagkapiit at pagkaalipin
Sa akiing lipunan.


Ang pag-iisa’y di pagtalikod sa
pag-ibig, o pagnanasa o pananagutan.
Hindi ito pagsuko
Sa katuparan ng mga pangako
O pagkakatutuo ng mga pangarap.
Hindi pagtanaw sa buhay
Nang hubad sa pag-asa.

Paghangad ko lamang
Na kamay ko ang magpatakbo sa aking orasan;
Puso at isipan and sumulat ng aking kasaysayan,
Sarili ko ang humubog sa aking kabuuan.
Hayaan akong mabuhay nang payapa,
nang hindi ikinakabit sa aking pangalan
ang mga tawag na pagkutya:
puta,
kerida
matandang dalaga,
hiwalay sa asawa,
babae man akong namumuhay nang mag-isa.


i just love this selection from our philippine literature course... it's by joi barrios from u.p.,
It embodies a strong willed, independent woman full of confidence and self- esteem. So much so that the character doesn't care whether she's alone and what other people think about her. She just dons what she does best... make way for WOMAN EMPOWERMENT! go chickas!

  • Digg
  • Del.icio.us
  • StumbleUpon
  • Reddit
  • RSS

0 comments: